شبابى ... افلام عربيه .. افلام اجنبيه .. مدايح.. اغانى .. برامج
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 حكم وامثال سودانية جداً المجموعه الاولى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد يوسف
Admin
Admin
avatar

عدد الرسائل : 78
الموقع : من يتقى الله يجعل له مخرجاً
تاريخ التسجيل : 03/09/2008

مُساهمةموضوع: حكم وامثال سودانية جداً المجموعه الاولى   الثلاثاء 16 سبتمبر 2008, 9:08 am

بسم اللة الرحمن الرحيم
حكم وامثال سودانية جداً
سوف ابداء اليوم معاكم عن شئ هو كل يوم فى حياتنا لا يمر يوم الا ونحن نذكرة ولقد ظللت اجمعها واحدة تلو الاخرى واستغرف منى هذا عدة شهور وسوف اقوم بسردها لكم كلها و باللغة العامية الداريجية السودانية لانها كلها مستنبطة من كلامنا وماحدث لنا والحلول لكى لاتقع فى حرج والحكم نقتدى بها لما فيها من نهج يقُوم حياتنا ولو عملت اي حاجة خير او شر فى ليها حكمة
مع تحياتى:أحمد يوسف
يلا نبداء
1/ البعد محنة
2/ البيتو من قزازمايجدع الناس بالحجارة
3/ عيب الزاد ولا عيب سيدو
4/المفارق عينو قوية
4/ البتبلبل بعوم
5/ خشمــــاً جابو يتبالابو
6/سمح الغناء فى خشم سيدو
7/ خلى العيش لي خبازو
8/ لاتبرا ولاتجى ورا بجى برا
9/ البقولو لى سمين يقول آمين
10/ اذا كان رفيقك عسل ماتلحسو كلو
11/ لسانك حصانك كان صنتو صانك واكان خنتو خانك
12/ خير الكلام ماقل ودل
13/ اكان الكلام من فضة السكوت من دهب
14/ الصراحة راحة
15/ الصديق وقت الضيق
16/ اليد الواحدة مابتصفق
17/ خادم الفكى مجبورة علي الصلاة
18/ دق القراف خلي الجمل اليخاف
19/ النقرة كسرت الحجر
20/ فى العجلة الندامة والتانى السلامة
21/ الكيشة قدمو والحقو
22/ بالنهار يسبح وبالليل يضبح
23/ الغالي بي غلاتو يضوقك حلاتو
24/ الرخيص بي رخصتو يضوقك مغستو
25/ الحى بلاقى
26/ كراع البقر جيابة
27/ بجي الخريف واللواري بتقيف
28/ الشكرو فى وشو نبذو
29/ اتقى شر من احسنت الية
30/ ماتشكى للناس علي جرحك
31/ قاتل الروح وين بروح
32/ شرف البت زى عود الكبريت
33/ مجبورة ام كنيش علي التدورو تابة تقول لى راجل امها يابة
34/ الشحمة والكلاب بالباجة
35/ اليك ليك ان بقى لبن عشر سوى فى عينيك
36/ ود العرب شاف الموية عطش
37/ البيت محروس وسيدو يكوس
38/ السترة والفضيحة متباريات
39/ كل تاخيرة لى خير
40/ عشم الكلب فى موية الابريق
41/ النية عكاز سيدا
42/ قرش بي الحلال ولا مليون بى الحرام
43/ حليمة رجعت لى قديمة
44/ ياماكل كسر الناس اهل الكسار جوك لي كساروهم
45/ المال السائب بعلم السرقة
46/ ميتة وخراب ديار
47/ المرا ة كان فاس مابتكسر الراس
48/ البصلة العفنة بتعفن الشوال
49/ البحر بيشيل عوامو
50/ الفقرا اتقسو النبقة
51/ العين بصيرة والايد قصيرة
52/ مد كراعك قدر لحافك
53/ العين خوافة والضراع اعمى
54/ العين مابملاها الا التراب
55/ مية مجنون ولا واحد معيون
56/ العافية درجات
57/ نقول تور يقول احلبو
58/ الباب البيجيب الريح سدو واستريح
59/ البدو القلم مابيكتب روحو شقى
60/ العارف عزو مستريح
61/ العارف عزو كلام الناس مابهزو
63/ من خلى عادتو قلت سعادتو
64/ الحسة اطول من العمر
65/ جنى الوز عوام
66/ الحرامى فوق راسو ريشة
67/ ابعد من الشر وغنيلو
68/العين مايتعلا علي الحاجب
69/ الضفر مابتطلع من اللحم
70/ الدم عمرو ماببقى موية
71/ المادارك مالامك
72/ العقبك عزاك
73/ شوكة الشقى فى الكبدة تتلقى
74/ الشر بيعم والخير بيخص
75/ عطشت الصقت زى مغصة قريباً ليك
76/ بصلة المحب تفاحة
77/ المابيعرف يقول عدس
78/ الكلب بريد خانقو
79/ الكلب ينبح حرصاً علي ضنبو
80/ الجمل ماشى والكلب ينبح
81/ فى جاه الملوك يلوك
82/ يلمها النمل ياطها الفبل
83/ باب النجار مخلع
84/ الغرقان فى زبد البحر عشمان
85/ الشقى بيسمع قطيعتو
86/ البيحضر التقا بيتعشا
87/البيتسوى بي ايدك يغلب اجاويدك
88/ التسوى تلقى
89/ التسوى كيت لي وليدا تلقى فى جليدا
90/ كانك يا اب زيد ماغزيت
91/ تمر الفكى سيدو شايلو ومشتهى
92/ تنى ما تجنى
93/ القدر بعمى البصر
94/ جلداً ماجلدك جر فوقو الشوك
95/ بلداً مابلدك اقدل فيهو عريان
96/ المسكين سكين
97/ لا خيراً فيك لادخاناً يعميك
98/ الما بياكل بي ايدو مابيشبع
99/ القسم زى كيس الدقيق
100/ البشاغل الجريوات بخرشنو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حكم وامثال سودانية جداً المجموعه الاولى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shababe.ahlamontada.net :: المنتدي الثقافي والأدبي :: الحكم والأمثال-
انتقل الى: