شبابى ... افلام عربيه .. افلام اجنبيه .. مدايح.. اغانى .. برامج
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 أشعار هاشم صديق

اذهب الى الأسفل 
كاتب الموضوعرسالة
أشرف الطيب
نقيب
نقيب
avatar

عدد الرسائل : 259
الموقع : www.shababe.ahlamontada.net
تاريخ التسجيل : 04/09/2008

مُساهمةموضوع: أشعار هاشم صديق   الثلاثاء 07 أكتوبر 2008, 9:28 am



محمد طه القدال : بين الخليفة وامون حاج احمد
وانتى فى كل الخواتم والمياتم
والنجيمات والعواتم
ما حزنت اقول بكيتك
ونحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
وكنتى فى ليل الخوابى
تهاتى بينات الطوابى
تحاكى جقليب السعى
الجناييت خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى اللالوبة مصلبة البنيات
النسيمات الهفيف
وانت فى اللالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alwseem
ملازم أول
ملازم أول
avatar

عدد الرسائل : 175
الموقع : www.shababe.ahlmontada.net
تاريخ التسجيل : 10/09/2008

مُساهمةموضوع: رد: أشعار هاشم صديق   الجمعة 10 أكتوبر 2008, 8:36 am

الزول ده عندو شعر عجيب

__________________________________________________


ـــــــــــــــــــــــــــــــــــــــــــــــــــــــــــــــــ

اللهم بارك لنا في شبابنا
وفي علمنـــــــــا
وفي عملنا
آميــــن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shababe.ahlamontada.net
faisal fouad
ملازم
ملازم
avatar

عدد الرسائل : 53
تاريخ التسجيل : 01/09/2008

مُساهمةموضوع: رد: أشعار هاشم صديق   الجمعة 17 أكتوبر 2008, 2:14 pm

ده الشاعر ممتاز    
حاجه جميله سمهته ليو بى الصدفه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أشعار هاشم صديق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shababe.ahlamontada.net :: المنتدي الثقافي والأدبي :: الشعر-
انتقل الى: