شبابى ... افلام عربيه .. افلام اجنبيه .. مدايح.. اغانى .. برامج
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 أجمل حروف لك أمي

اذهب الى الأسفل 
كاتب الموضوعرسالة
أشرف الطيب
نقيب
نقيب
avatar

عدد الرسائل : 259
الموقع : www.shababe.ahlamontada.net
تاريخ التسجيل : 04/09/2008

مُساهمةموضوع: أجمل حروف لك أمي   الأحد 12 أكتوبر 2008, 9:10 am

شوفيني كيف

شوفيني كيف رغم الألم
واقف انا ومسنود عليك
لا بنكسر لا بندحر
شايل همومى وجاى ليك
كايس حداك ألقى الضرا
ترتاح خطايا وأنسى بيك
وجع السنين الما بموت
تفرح عيونى وتحتويك

شوفيني كيف
شايل خطاى
شاقى المتاهات والدروب
شايل حجاب وحبة تراب
مصرورة فى بطن الجراب
مربوطة بى قطعة قماش
من توبك القرب يدوب
خاتاها لى من الزمن
وعشان خطايا عليك تؤوب

شوفيني كيف
أنا بى وراك
إشتقت لى حضنك كتير
داير أنوم أنسى الهموم
أرجع طفل لسع صغير
تلولى فى وتغنى لى
إنشاء الله إنت عدوك يطير
وأضحك شديد أشرق أنا
وتقولى كر إنشاء الله خير
شوفيني كيف
رغم الزمن
حاسيك فى دمى وغناى
ولامن أتوه وسط الدروب
دايما بحس أنك وراى
تنادى لى وتقولى لى
يعدل طريقك ياجناى
يديك مناك وأنا فى رجاك
ترجع عشان تقعد معاى شوفيني كيف
رغم العذاب
مستنى باكر يبقى عيد
لامن أجيك سايق معاى
فى إيدى من ولدك وليد
يتمدّ فى حضنك ينوم
يكبر تحت إيدك يزيد
ينادى ليك حبوبة جات
يجرى يفرح بيك شديد

شوفيني كيف
بعدك أنا
عايش مع الشوق والأمل
بفرح وكت صورتك تجى
فى بالى أو طيفك يصل
وأحضن خيالك فى رؤاى
ألقاهو بالحب والقبل
إلا الظروف يايمه جد
خلتنى عنك أنشغل
بس القلب مقفول عليك
مافيهو لى غيرك محل
مافيهو لى غيرك محل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أجمل حروف لك أمي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shababe.ahlamontada.net :: المنتدي الثقافي والأدبي :: الشعر-
انتقل الى: